Transcription
1Monsieur, j’ay receu votre lettre du premier de mars [barré : le soi ] le VIIie et dès
2
ce jour, je vous escrivis par ung qui se disoyt estre de la tour qui me
3
promis vous rendre seurement mes lettres. Je vous felicitoys votre retour
4
car de Thurin, je fus adverti que vous y aviés passé et aviés veu les
5
triumhes et masquarades que avoyt faictes monsieur le prince de
6
Piedmont et que on vous y avoyt fayct ung present. Je vous felicitoys
7
aussy de ce quy aviés trové les mile escus de feu ^ [^ madame de Cental] votre grand mère. Je
8
vous puis asseurer que de cela et de votre retour ne avés parent ny
9
amy qui en reçoyve plus de contentement ; et monsieur je vous remercie
10
de la bonne souvenance qu’avés eu de moy et de l’honneur
11
que me avés fayct de me departir de voz nouveles et ne debvés
12
scavoyr mauvays gré sy on reserchoyt votre mayson pour garnison
13
car il en y a peu ou poynt de telles. Mays vous troverés que ce sont
14
rapports qu’on vous a faict et que possible ne se troveront veritables.
15
Vous avés voyrement pour les fère bien boyre car voz eaues sont
16
bien garnies et si votre estang est voysin et proche de la meyson.
17Passa par ceste vile [barré : la sa… ] monseigneur de La Croys, conseiller
18
d’estat de son altesse, qui se va devers le roy d’Espaigne, qui
19
m’a confirmé les nouvelles que
20
vous m’avés escrites de l’armement
21
du Turc et de celuy de la Ligue.
22
Dieu conduyra le tout sy luy playst,
23
le quel je prie après mes humbles
24
recommandations à votre bonne grace
25
vous donner, Monsieur, etc.
26
27
[formule et signature de l’archevêque : Votre très humble allié et serviteur. G. davanson A. dambrun]
28
[dessous : "à madame de Cental"]